بعد دعوة السبسي إلى المساواة بين المرأة والرجل في الميراث : سعيدة قراش تعلق

علقت الناطقة بإسم رئيس الجمهورية سعيدة قراش على قانون المساواة بين المراة والرجل في الارث من خلال تدوينة كتبتها على صفحتها الرسمية ”الفايسبوك” مفادها كالاتي:

”جماعة النص القرءاني واضح فسرولي علاش هناك مساواة في الارث في تركيا و اردوغان ما مسهاش و علاش ثمة حاجة اسمها تفرقة بين المعاملات و العبادات و علاش ما نطبقوش نصوص الحد و قطعان الروس و اليدين و الساقين و علاش ما نطبقوش نصوص العبودية و عتق الرقبة….. و جماعة موش وقتو قولونا وقتاش تلقاو الوقت توا نجيوكم في الوقت، فقط هناك رقم يجب الاحتفاظ به: 62% من النساء في القطاع الفلاحي يخدمو في الملكية العائلية الي باسم بوها والا خوها و الا راجلها و ما تخلصش و ما تاخوش اجر و 6,6 % فقط يستثمرو في الفلاحة يعني ينجموا ياخذو قروض على خاطر يملكو، المشكل موش ديني و الا مشكل وقت بل مشكل الاستقلال الاقتصادي للنساء و الي عندو المال عندو السلطة في العائلة و الا في المجتمع، اما مع استقلال سلطة القرار و الانعتاق او مع تكريس التبعية و بالتالي العبودية اما مع المساواة و الكرامة او مع الحيف و التمييز و امتهان كرامة نصف المجتمع، على فكرة عدد النساء في المجتمع التونسي هو 50,2 %”.